ചില gOOgLe +ചിന്തകൾ.....
- ബന്ധങ്ങൾ ഒരുപാടായാൽ വേദനകളുടെ എണ്ണം കൂടും ....ബന്ധങ്ങളുടെ എണ്ണം കുറഞ്ഞാലോ , സന്തോഷങ്ങളുടെ എണ്ണവും കൂടും .....!!!
- പെണ്‍കുട്ടികൾക്കായിരുന്നു രണ്ടാം ക്ലാസിലെ പാവാട ഇരുപതാം വയസ്സിലും ഇടുന്ന ശീലം ...അത് കണ്ടു തീരെ സഹിക്കാഞ്ഞിട്ടാണെന്നു തോന്നുന്നു ,,,,,,, ആണ്‍കുട്ടികളൊക്കെ നഴ്സറിയിലെ നിക്കറുമിട്ടു ബൈക്കിൽ റോന്തു ചുറ്റുന്നത്‌ ....
- വേദന കടിച്ചു പിടിച്ചു ഹൃദയം പറിച്ചു കൊടുത്തവന്റെ , ഹൃദയതാളം സ്വന്തമാക്കി കഴിഞ്ഞാൽ പിന്നെ നന്ദി എന്ന രണ്ടക്ഷരം എന്നെന്നേയ്ക്കുമായി മറക്കുന്നവനാണ് മനുഷ്യൻ ......ഭൂമിയിലെ ജീവനുള്ളവയിൽ വച്ചു ഏറ്റവും നന്ദി കെട്ട വർഗം....!
- അച്ഛൻ അമ്മയുടെ ഗർഭപാത്രത്തിനു സമ്മാനിക്കുന്ന കുളിരിന്റെ പവിത്രതയാണ് , ഭൂമിയിലെ വിശ്വാസങ്ങളിലേക്കു നമ്മെ നയിക്കുന്ന സത്യത്തിന്റെ കരുത്ത്....
- കരിങ്കല്ലിൽ അടിസ്ഥാനം തീർക്കാതെ വെണ്ണക്കൽ സൗധം പണിഞ്ഞിട്ടെന്താ കാര്യം ....?അല്ലെ ....???
- എന്തെങ്കിലുമൊന്നു ചെയ്യണം എന്ന് തോന്നിയാൽ പിന്നെ കൂടുതൽ ആലോചിച്ചു കൂട്ടാതെ അങ്ങ് ചെയ്തേക്കുക ....സംഭവിക്കാനുള്ളത് എന്തായാലും സംഭവിക്കുക തന്നെ ചെയ്യും ....
- ഈ പെണ്‍പിള്ളേരുടെ ജീവിതം ഒരു ഞാണിന്മേൽ കളിയാണ് കേട്ടോ ...അപ്പോൾ ഞാണിനെ നമുക്ക് പുരുഷൻ എന്ന് വിളിക്കാം .. :
- ഓരോ മനുഷ്യനും ഒരു കടങ്കഥയാണ് ...ഉത്തരത്തിനടുത്തെക്കെത്തുമ്പോൾ പുതിയ ചോദ്യത്തിലേക്ക് വഴുതി മാറുന്നൊരു വലിയ കടങ്കഥ...!!
- അടുത്ത് നിൽക്കേണ്ടുന്നവർ അകലുകയാണെന്ന് തിരിച്ചറിയുമ്പോൾ , അരികിൽ നിൽക്കുന്നവരിൽ നിന്നും നമ്മൾ പോലുമറിയാതെ നാം അകന്നു പോകും ....തീർത്തും നാം നമ്മെ ഒറ്റപ്പെടുത്തും ....അത് അങ്ങനെയാണ് ..!!
- അങ്ങോട്ട്‌ മിണ്ടിയാലെ തിരികെ മിണ്ടുള്ളൂ എന്ന വാശിയാണ് എല്ലാവർക്കും...ഈയിടെയായി എനിക്കും ..!
- അപ്രതീക്ഷിത മുഹൂർത്തങ്ങൾ പകരുന്ന അനുഭൂതികൾ വാക്കുകൾക്കതീതമാണ് ...അത് സുഖമുള്ളതായാലും , അല്ലെങ്കിലും ,.....!!
- ശല്യമാണ് എന്ന് തോന്നിയാൽ, സ്നേഹം കൊണ്ട് പോലും ശല്യപെടുത്തരുത്.. .. മറ്റൊരാളെ കൂടി സങ്കടപ്പെടുത്തിക്കൊണ്ട് നാം സ്വയം സങ്കടപ്പെടുന്നു എന്ന് പറയുന്നതിൽ യാതൊരു അർത്ഥവുമില്ല ....സ്നേഹം സത്യമാണെങ്കിൽ നാം സ്നേഹിക്കുന്നവരെ അവരുടെ ഇഷ്ടത്തിനു വിട്ടേക്കുക ...ആ വഴിയിൽ ഒരു നിഴലായി പോലും നാം കടന്നു ചെല്ലരുത്‌.....(#half copied)
- ചില സ്വപ്‌നങ്ങൾ സ്വപ്നങ്ങളായി മാത്രം നിലനില്ക്കുന്നതാണ് എന്തുകൊണ്ടും നല്ലത് ......എങ്കിൽ സുഖമുള്ളൊരു ഓർമയായി അല്ലെങ്കിൽ നേർത്തൊരു നോവായി അവയെ എന്നും ഹൃദയത്തോട് ചേർത്തു നിർത്തി താലോലിക്കാം..... .
No comments:
Post a Comment
വായിച്ചിട്ടുണ്ടേല്‍ എന്തേലും അഭിപ്രായമൊക്കെ പറഞ്ഞിട്ട് പോകുട്ടോ .......