# Anamika#

ഓള് ആരാന്നു ഓൾക്ക് തന്നെ അറിയാവുന്നോണ്ടു ഞമ്മളിനി പേരെടുത്തു പറയണില്ല......!!!!!

കോളേജ് പഠന കാലത്താണ് ഞാൻ  ഈ കിടാവിനെ കണ്ടുമുട്ടിയത് .ഓൾക്ക് ഞമ്മളെക്കാൾ ഒരു രണ്ടു വയസ്സിന്റെ മൂപ്പുണ്ട് കേട്ടാ ...ഓളെക്കാളും കാണാൻ ഗ്ളാമർ ഞമ്മള് ആയിരുന്നു , എന്നാലും ഓൾടെ കണ്ണ് ....അതൊരു വല്ലാത്ത കണ്ണാണ് കേട്ടാ...ആ കണ്ണിലോട്ടു നോക്കിയാൽ ഞമ്മളെക്കാളും ചുന്ദരി ഓള് തന്നാണ് ....

നെറ്റിമേല് ഒരു ചന്ദന കുറിയും , തേച്ചു തേച്ചു വടിവൊപ്പിച്ച വസ്ത്രവും ,പിന്നെ ഒരു കണ്ണടയും ....ഓള് ബ്യൂട്ടി തന്നെയാണ് .

ഓളൊരു തൊട്ടാവാടി ചങ്കരിയാണ് .പിണങ്ങാൻ വലിയ കാരണമൊന്നും വേണ്ടാത്ത ആളാ ....നാലു പേര് കൂടി നിക്കണടത്ത് ഓളേം കൊണ്ടു ചെന്നു എന്നങ്ങട് ബെക്കിം.. സംസാരിച്ചു സംസാരിച്ചു ഓള് നിക്കണ കാര്യം ഞമ്മള് മറന്നാൽ ആടെ തീർന്നു ഞമ്മടെ കാര്യം ..പക്കേങ്കി അന്നത്തേക്കേ ആ പിണക്കം കാണുള്ളൂ ....വീട്ടി പ്പോയാ ഉടനെ ഓള് ഞമ്മക്ക് മെസ്സേജ് ബിടും .ഞമ്മള് കാണിച്ചത് സെരിയല്ലാന്നും പറഞ്ഞിട്ടു ....പിന്നെ ഓളുടെ ദേഷ്യം കാണാൻ നല്ല രസാണ് , അതോണ്ട് ഞമ്മള് ആ വഴക്കു അങ്ങു ബലുതാക്കും...പിന്നെ കരഞ്ഞും , ചിരിച്ചതും ഞമ്മള് ബീണ്ടും ഒന്നാകും ....അങ്ങനെ അങ്ങനെ ..

ഓൾക്ക് പക്ഷെ പേടിയാണ് ....ജീവിതം ഓൾക്ക് നൂറു സന്തോഷം കൊടുത്താൽ ആയിരം സങ്കടോം കൊടുത്തിരിക്കും , അതോണ്ട് ഓൾക്ക് സന്തോഷിക്കാൻ പേടിയാണ് .....

ഓളെ ഞമ്മക്കടെ വീട്ടുകാർക്കും ബല്യ കാര്യമാണ് ....ഓളുടെ മൂക്കിന്റെ തുമ്പത്ത് ഒരു കുട്ടക്ക് ദേഷ്യം കൂട്ടി ബച്ചിട്ടുണ്ടേ , കൂടെ ക്ഷമ എന്നു പറയണ സാധനം അടുത്തൂടെ പോയിട്ടില്ല ....എങ്കിലും ഓള് നല്ലവളാണ് , ചുരുങ്ങിയ കാലം കൊണ്ടു ഓള് ഞമ്മടെ ഏറ്റം പ്രിയപ്പെട്ട ചങ്ങായി ആയില്ലേ .....ഓള് പിണങ്ങിയാൽ ബല്ലാത്ത സങ്കടമാണ് ....ഓള് മിണ്ടണ വരെ കാത്തിരിക്കണം .അല്ലാതെ ഇതിനിടയ്ക്ക് ഞമ്മള് എങ്ങാനും അങ്ങോട്ടു ചെന്നു മുണ്ടിന്ന് ബെക്കീം ...അപ്പൊ ഓള് ജാഡ ഇട്ടു സംസാരിക്കും ....എന്നാലും ഓള് നല്ലവളാണ് ....

പിന്നെ ....ഓള് ഞമ്മളെകാട്ടിലും നന്നായിട്ടു എഴുത്തും കേട്ടാ ....ഓള് എഴുതണ സാധനങ്ങള് ചിലപ്പോ ഞമ്മക്ക് പോലും എന്താണ് എന്നു പുടികിട്ടൂല ഓൾക്കും ബ്ലോഗ് ഒക്കെ ഉണ്ട് . (http://hridhayaksharangal.blogspot.in/)പിന്നെ ഓള് നന്നായി പാടും ....വായിക്കാൻ ഓൾക്ക് വലിയ ഇഷ്ടമാണ് ...എന്നേം ഓളേം ഒരുപോലെ പ്രാന്ത് പിടിപ്പിക്കണ ആൾക്കാരാണ് പാലേരിയും , പൗലോയും....
പിന്നെ ഓളും ഞമ്മളെപ്പോലെ ഒരു സ്വപ്നജീവിയാ ....ഞമ്മള് കൊണ്ടു നടക്കണ പോലെ  ഒരു കെട്ടു ഫിലോസഫി ഓളും  സ്വന്തമായി കൊണ്ടു നടക്കും , അതും പറഞ്ഞു ജീവിക്കും , എന്നിട്ടെന്താവാനാ ....ഒന്നും ആവൂല ......

ഓള്  ബല്യ SOFTWARE ENGINEER ആണ് കേട്ടാ ....കോഡിങ്ങിൽ ബുജി ആണ് ,,,,പിന്നെ ഓൾക്ക് ഒത്തിരി ഇഷ്ടമുള്ള ഒരു കുറുമ്പനുണ്ട് ....ഓള് മെലിഞ്ഞിരിക്കണ കാണാൻ മാത്രം ഇഷ്ടമുള്ള ഒരു അനിയൻ കുറുമ്പൻ .പക്ഷെ അതിനേക്കാളും ഓൾക്ക് ഇഷ്ടമുള്ള ഒരാളുണ്ട് .......ആരാണെന്നോ ....ഓൾടെ സ്വന്തം KISS ME...CLOSE YOUR EYES...AND MISS ME...

ഓളുടെ ഇഷ്ട ദൈവം ശിവൻ ആണ് .....ഓളും പുള്ളിയും തമ്മിൽ വലിയ ക്ലോസ് ആണ് .....വ്രതം കൈക്കൂലി കൊടുത്തു കാര്യ സാധ്യത്തിനായി അദ്ദേഹത്തിനെ കാണുന്ന  ഓളെ ഇതേ വരെ പുള്ളി നിരാശപ്പെടുത്തിയിട്ടില്ല ....ഇനിയും അവളുടെയാ പൂജ്യ ദേവൻ അവൾക്കൊപ്പം എന്നുമുണ്ടാകട്ടെ .....അവളുടെ ആഗ്രഹങ്ങളെല്ലാം പൂവണിയട്ടെ ......

കോളേജ് തീരുന്നതോടെ അവസാനിക്കും എന്നു കരുതിയ ആ ബന്ധം ഇന്നും തുടരുന്നുണ്ട് , കൊച്ചു കൊച്ചു പിണക്കങ്ങളും , നേർത്ത പരിഭവങ്ങളുമൊക്കെയായി .......

പക്ഷെ ആ കാന്താരി ഇപ്പോൾ ഞമ്മളോട് പിണങ്ങി ഇരിക്കുവാണ്    കേട്ടോ.......ഇനി ഇതൊക്ക വായിച്ചിട്ടു , പഴയ കാര്യങ്ങളൊക്കെ ഓർത്തിട്ടു ഓൾക്ക് ഞമ്മളോടുള്ള പിണക്കം മാറിയാലോ ....അതോ ഇനി ഓളെ ക്കുറിച്ച് ഓളോട് ചോയിക്കാണ്ട് ഞമ്മള് എയുതി എന്നും പറഞ്ഞു ഓള്  പുതിയ പിണക്കം തുടങ്ങുമോ എന്തോ .......ഓൾക്കും ഓളുടെ ശിവനും മാത്രം അറിയാം ......!!!!!!