ഒരു നഷ്ട പ്രണയത്തിന്റെ ഓർമയ്ക്ക്
പ്രണയാർദ്രമെൻമിഴിപ്പൂക്കൾ പലനാളിലോമലേ
നിനക്കായ്‌ കാത്തിരുന്നു ...
പതിവായി നീ വന്നുപോം വഴിത്താരയിൽ
പലവുരു നിന്നെ ഞാൻ നോക്കി നിന്നു ...
പതിയെ പ്പറഞ്ഞു ഞാൻ എന്നോടു മാത്രമായ്
നീയെന്റെ സ്വന്തമെൻ ജീവസ്പന്ദം .
പുതുമഴ പുൽകിയ പൂവനിയിൽ
പുതുമണ്ണിൻ ഗന്ധമേറ്റങ്ങു നില്ക്കെ ....
പുലരൊളിയിൽ കാണുന്ന നിനവു പോൽ
നീയെൻ മുന്നിലൂടെന്നോ കടന്നു പോയി ...
മിഴികളിലല്ല നീ - പതിഞ്ഞു പോമെൻ
മനസ്സിന്റെ മയിൽ‌പ്പീലി ചെപ്പിനുള്ളിൽ ..
കാണുന്ന പൂക്കളിൽ നിന്നെ തിരഞ്ഞു ...,
കാണാത്ത പൂക്കളോ നീയെന്നറിഞ്ഞു ......
കാത്തിരിപ്പിൻ കാലവും കൊഴിഞ്ഞു -നിൻ
കാതര മിഴികളെൻ മുന്നിലെത്തി .
പ്രാണൻ പിടയുന്നു നീയെന്റെതല്ലെന്നോർക്കുമ്പോൾ .....
മിഴികൾ തുളുമ്പുന്നു നീയെനിക്കല്ലെന്നറിയുമ്പോൾ ......
എന്നിട്ടുമെന്തിനൊ .....-വീണ്ടും .....
പതിയെ പ്പറഞ്ഞു ഞാൻ എന്നോടു മാത്രമായ്
നീയെന്റെ സ്വന്തമെൻ ജീവസ്പന്ദം .....
വരും ജന്മത്തിലെൻ ജീവിതാർത്ഥം ....
No comments:
Post a Comment
വായിച്ചിട്ടുണ്ടേല്‍ എന്തേലും അഭിപ്രായമൊക്കെ പറഞ്ഞിട്ട് പോകുട്ടോ .......